განხორციელდა „საქართველოს სტრატეგიული კვლევებისა და განვითარების ცენტრის“ მხარდაჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. პროექტი დაფინანსდა ევროკავშირის და კონრად ადენაუერის ფონდის მიერ.

პროექტის მიზანი: იმერეთის რეგიონის 4 ქალაქში უვნებელი და ხარისხიანი კვების პროდუქტებით (ნედლი ხორცი და ყველი) მომხმარებლების უზრულველყოფის გაუმჯობესება და მათი უფლებების ადვოკატირება არსებული საკანონმდებლო რეგულაციების წარმატებით განხორციელებისთვის DCFTA-ის მოთხოვნების შესაბამისად.

პროექტის ამოცანები:

• საცალო ვაჭრობის ობიექტებში ნედლი ხორცისა და ყველის მიღების, შენახვისა და რეალიზაციის პირობების გარკვევა, აღნიშნული პროდუქტების ხარისხობრივი მაჩვენებლების განსაზღვრა შერჩეული ნიმუშების ლაბორატორიული კვლევით და ობიექტების წარმომადგენელთა ცოდნის დონის შეფასება სურსათის უვნებლობის რეგულაციების დაცვის კუთხით;
• ნედლი ხორცის და ყველის მომხმარებლების კმაყოფილების კვლევა და მომხმარებლის უფლებებში მათი ცნობიერების დონის განსაზღვრა/ამაღლება;
• საცალო ქსელის ობიექტების საველე კვლევის და მომხმარებელთა გამოკითხვის შედეგების ანალიზი;
• შესაბამის საზედამხედველო ორგანოებთან და სხვა დაინტერესებულ მხარეებთან თანამშრომლობით სურსათის უვნებლობის რეგულაციების დაცვის სანიმუშო პრაქტიკის დამკვიდრების ხელშეწყობა;

პროექტის შედეგები:

• გამოკითხვის ჩატარება იმერეთის 4 სამიზნე ქალაქის შერჩეულ ბიზნეს ოპერატორების ობიექტებში, გამოკითხა 59 ბიზნესოპერატორი
• გამოიკითხა ყველისა და ნედლი ხორცის 397 მომხმარებელი
• ლაბორატორიული ანალიზი ჩატარდა ყველის და ნედლი ხორცის 23 ნიმუშუში, 5 ყველის ნიმუშში გამოვლინდა სურსათის უვნებლობასთან კრიტიკული შეუსაბამობა
• კვლევის შედეგების გაცნობა მოხდა სურსათის უვნებლობით დაინტერესბული მხარეებისათვის
• მომზადდა კვლევის შედეგების 2 პუბლიკაცია: “ყველისა და ნედლი ხორცის მომხმარებლების კვლევა იმერეთის რეგიონში” და “ყველისა და ნედლი ხორცის ბიზნესოპერატორების კვლევა იმერეთის რეგიონში”

პროექტის ბიუჯეტი: 34 600 ლარი

განხორციელების პერიოდი: 01.04.22 – 31.01.23